“Övladlarını qeyri-leqal yolla xarici ali məktəbdə oxutdururlar”
Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında valideynlərə qınağını bildirib: “Təəssüf ki, bəzən valideynlər övladlarının ixtisas seçiminə qarışırlar. Hesab edirəm ki, hər bir abituriyent düşünərək özü öz ixtisasını seçməlidir”.
TQDK sədrinin sözlərinə görə, dövlət hesabına oxumaq istəyən şəxslər gərək aşağı bal topalamasınlar: “Mən bir daha təəssüflə qeyd edirəm ki, bəzən valideynlər öz övladlarını qeyri-leqal yolla hansısa xarici ali məktəbdə oxutdurmaq istəyirlər. Ən düzgün seçim isə TQDK-nın keçirdiyi qəbul imtahanlarında iştirak edib, ali məktəblərə qəbul olmaqdır”. TQDK sədri onu da bildirib ki, I ixtisas qrupu üzrə keçid ballarının aşağı salınmasında da əsas məqsədlərdən biri budur: “I ixtisas qrupunda keçid balının 150 bala salınmasında istəyimiz ondan ibarət idi ki, gənclərimiz leqal yolla ali məktəblərə daxil olsunlar”.