Kamal Almuradlı «Səhər»də rejissor idi
Bir neçə gün öncə kütləvi informasiya vasitələrində dramaturq və rejissor Rüstəm İbrahimbəyovu müdafiə edən Rövşən Almuradlının oğlu Kamal Almuradlı AzTV-dəki işindən çıxarılıb.
Kamal Almuradlı isə son 4 ildə AzTV-nin «Səhər» musiqi informasiya proqramında rejissor işləyib. Bu ilin martında isə ştata götürülüb. O, “Azadlıq” radiosuna bildirib ki, onunla 6 aylıq müqavilə bağlanıb. Amma iyulun 31-də - müqaviləsinin başa çatmasına 1 ay qalmış ona müqavilə müddətinin bitdiyini deyiblər: “Səbəbi aydın etmək elə də çətin deyil. İyulun 26-da atamın müsahibəsi getdi. Buna da tez reaksiya verdilər. 4 gün ərzində məni işdən uzaqlaşdırdılar”.