Çində orucun pozulması üçün işçilərə yemək paylanır
Ramazan ayında daha bir ölkədə müsəlmanların hüquqları pozulmaqdadır. Pekin rəhbərliyi ölkədə müsəlmanların böyük hissəsinin yaşadığı və 9 milyon əhalisi olan Sincan Uyğur Muxtar Bölgəsində dövlət məmurları və şagirdlərin oruc tutmasını qadağan edib.
Bölgə rəhbərliyinin internet saytında qadağa haqqında qərar yerləşdirilib. Təlimatda qadağaların ramazan ayı boyunca ictimai sabitliyin qorunması məqsədilə qoyulduğu iddia edilir. Oruc tutmağın yasaqlanması ilə yanaşı uyğur şagirdlərinin məscidə getmələri, fitrə və zəkat vermələri də qadağan edilib. Təlimatda həmçinin göstərilir ki, kommunist liderləri Ramazanda işçilərin yemək yeməsini təmin etmək üçün yerli təşkilatlarda yemək paylamalıdırlar.
Dünya Uyğur Konqresi qadağalara etiraz edən bəyanat yayıb. Bu kimi qaydaların uyğurların çinlilərə qarşı müqavimətini artıracağı bildirilir.
Xatirə