Müsabiqəni DSMF elan edib
Dövlət Sosial Müdafiə Fondu (DSMF) kütləvi informasiya vasitələri üçün “Azərbaycan Respublikasının Dövlət Sosial Müdafiə Fondu: İnkişafın 20 ili” mövzusunda müsabiqə elan edib.
DSMF-in ictimaiyyətlə əlaqələr sektorundan verilən məlumata görə, müsabiqə Fondun 20 illik yubileyinin keçirilməsi ilə bağlı “Tədbirlər planı”na uyğun olaraq keçirilir. Müsabiqəyə 10 iyul 2012-ci il tarixdən 20 sentyabr 2012-ci il tarixədək DSMF-in son 20 ildə göstərdiyi fəaliyyətlə bağlı mətbuatda, saytlarda çap edilmiş analitik məqalələr, radio və televiziyada yayımlanmış verilişlər, süjetlər təqdim olunmalıdır.
Məqalələr 5 min işarədən, radio və televiziya verilişləri, süjetlər isə 5 dəqiqədən (müsabiqə dövründə ayrı-ayrı vaxtlarda verilmiş və ümumilikdə 5 qəqiqədən az olmayan telesüjetlər də təqdim oluna bilər) az olmamalıdır. Materiallar 20 sentyabr 2012-ci il tarixdən gec olmayaraq, hansı qəzet və jurnalda, saytda dərc olunduğu, radio və televiziya kanalında nümayiş etdirildiyi (tarix və nömrəsi) göstərilməklə Komissiyaya təqdim edilməlidir.
Müsabiqənin yekunlarına görə ən yaxşı məqalələrin və tele-radio materiallarının müəllifləri 2 nominasiya üzrə mükafatlandırılacaqlar.
Qəzet və jurnallarda, saytlarda çap olunmuş ən yaxşı məqalələr üzrə:
1-ci yer – 800 manat
2-ci yer – 500 manat
3-cü yer – 300 manat
Televiziya və radio kanallarında verilmiş ən yaxşı tele-radio verilişləri və telesüjetlər üzrə:
1-ci yer – 800 manat
2-ci yer – 500 manat
3-cü yer – 300 manat
Bundan başqa, hər iki nominasiya üzrə ümumilikdə cəmi 1000 manat məbləğində 10 həvəsləndirici mükafat da nəzərdə tutulub. Müsabiqəyə təqdim olunan yazıları və tele-radio materialları DSMF-nin rəhbər və mütəxəssislərindən ibarət Komissiya qiymətləndirəcək.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
