Azərbaycanda yaxın gələcəkdə magistral yollarının böyük qismi tam işıqlandırılacaq.
Respublika Baş Dövlət Yol Polisi İdarəsinin şöbə rəisi Kamran Əliyev bildirib ki, gecə saatlarında hərəkətin daha intensiv olduğu respublika əhəmiyyətli yollar işıqlandırılıb.
Kamran Əliyev deyib ki, .əhərə yaxın ərazilərdə – Bakıdan Qobustana, Qobustandan da 7-8 km məsafədə yolda işıqlandırma sistemləri quraşdırılır: “Bakı-Sumqayıt yolu tam işıqlandırılıb. Bakı-Şamaxı yolunda da yolların işıqlandırılması məsələsi öz həllini tapıb. Bu templə davam edərsə, yaxın gələcəkdə respublika əhəmiyyətli bir çox yollar tam işıqlandırılacaq. Bu sahədə kifayət qədər iş görülüb. Paytaxtdan 30 km şimal, 60 km-dan çox cənub istiqamətdə yolların işıqlandırılması işləri aparılır. Gələcəkdə işıqlandırma daha çox yolu əhatə edəcək”,
Şöbə rəisi bildirib ki, yolların işıqlandırılmaması qəza hadisələrinin baş verməsinə səbəb olur.
Onun sözlərinə görə, avtomagistrallarda piyadaların yolun hərəkət hissəsinə çıxmasına icazə verilməsə də, bu yollarda piyadaların yol hərəkəti qaydalarını pozması halı kifayət qədər çoxdur: “Piyadaların vurulması ən çox sutkanın qaranlıq vaxtında baş verir. Bu da yolların işıqlı olmaması ilə bağlı olur. Bir nəqliyyat vasitəsi yeni olduğu üçün daha güclüdür, digəri uzun müddət istifadə edildiyi üçün işıqları zəifdi. Piyadaların vurulması halları daha çox sürücünün qarşıdan gələn digər nəqliyyat vasitəsinin işığından gözünün qamaşması nəticəsində qarşını görə bilməməsi nəticəsində baş verir”.
O bildirib ki, bu halların qarşısının alınmasında işıqlandırmanın müsbət təsiri var.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
