Qısa zamanda bu tələbələr haqqında ictimaiyyətə ətraflı məlumat veriləcək
Simsar.az. portalının məlumatına görə, bu barədə bu gün keçirdiyi mətbuat konfrasında Tələbə Qəbulu üzrə Dövlət Komissiyasının rəhbəri Məleykə Abbaszadə bildirib.
Məleykə Abbaszadənin sözlərinə görə, bu tələbələr haqda qısa zamanda ictimaiyyətə ətraflı məlumat veriləcək: “Yüksək nəticə göstərmiş abuturiyentlərin adlarını mətbuat xidmətindən öyrənmək olar. Çox yaxşı olardı ki, media nümayəndələri də bu tələbələr haqqında reportajlar hazırlasınlar, onları daha yaxından insanlara tanıtsınlar”.
TQDK-nın rəhbəri onuda bildirdi ki, abuturiyentlər universitet seçərkən diqqətli olmalıdılar: “Bəzi KİV-lər var ki, gəlir üçün çox ucuz reklam verirlər. Mən bura gəlməmişdən əvvəl bu reklamların siyahısını çıxartmışam. Yaxşı olar ki, valideynlər bu kimi saxta reklamlara inanmasınlar. Universitet seçərkən bizim jurnallardan istifadə etsinlər. Kim nə qədər bal yığıbsa, ona uyğun ali məktəblərə qəbul olacaq. Heç kim kiminsə balını ya aşağı, ya da yuxarı qaldıra bilməz”.