16 məktəbli və 3 müəllim gəlir, 34 məktəbli, 6 müəllim gedir
ABŞ səfirliyi bəyan edir ki, Azərbaycanda Gənc Liderlər Proqramı (GLP) açılıb: “Bu il GLP 16 nəfər amerikalı məktəbli və 3 müəllimi Azərbaycana gətirir. 34 nəfər azərbaycanlı məktəbli və 6 müəllim isə ABŞ-a səfər edəcək.
GLP-nin məqsədi mədəni mübadilə, liderlik vərdişlərinin təbliği, icmalar üçün layihələrin planlaşdırılması və həyata keçirilməsinin ən yaxşı nümunələrini öyrətməkdir.
İyulun 9-dan Azərbaycana səyahət edən amerikalı məktəblilər ölkədə üç həftə keçirəcək, əsasən Bakı və Gəncədə ailələrdə yaşayacaqlar. Onlar icmanın inkişaf etdirilməsi və qeyri-hökumət təşkilatları sahələrində işləyəcəklər.
Sentyabrın sonu 34 azərbaycanlı məktəbli və 6 müəllim Arizona və Vaşinqton ştatlarına yollanacaq, eyni vərdişlərin inkişaf etdirilməsi ilə məşğul olacaq, təhsil kursları və görüşlərə qatılacaqlar. Bakı, Sumqayıt, Lənkəran və Gəncədən olan azərbaycanlı məktəblilər və müəllimləri amerikalı ailələr qonaq edəcək.
GLP-i Amerika Şurası idarə edir. 1974-cü ildə ərazi və dil mütəxəssisləri üçün assosiasiya kimi əsası qoyulan Amerika Şurası akademik mübadilə, dil təlimləri, məsafəli təlim, kurrikulum və testlərin inkişaf etdirilməsi və qurum yaratmaq sahələrində ixtisaslaşıb.
Ramil
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
