Rusiya Dövlət Dumasının sədri Lomonosov adına Moskva Dövlət Universitetinin Bakı filalının məzunlarına diplomlar təqdim edib
Bu gün Rusiya Dövlət Dumasının sədri Sergey Narışkin Azərbaycana səfərə gəlib. Məqsəd Azərbaycanla Rusiyanın qanunverici orqanları arasında və digər sahələrdə əlaqələrin inkişafına dair məsləhətləşmələr aparmaqdır.
Sergey Narışkin bu gün Bakı Slavyan Universitetinin tələbələri qarşısında çıxış edib, Lomonosov adına Moskva Dövlət Universitetinin Bakı filalının məzunlarına diplomlar təqdim edib.
İyulun 9-na qədər davam edəcək səfər çərçivəsində S. Narışkin prezident İlham Əliyev, Milli Məclisin sədri Oqtay Əsədov və Prezident Administrasiyasının rəhbəri Ramiz Mehdiyevlə görüşəcək.
Qeyd edək ki, bu il Azərbaycan və Rusiya diplomatik münasibətlərinin qurulmasının 20 illiyini qeyd edir.