Bakı Şəhər Dövlət Yol Polisi İdarəsi sürücülərə müraciət edib
Bakıda bəzi küçələr təmirlə əlaqədar olaraq bağlanıb.
bu barədə Bakı Şəhər Dövlət Yol Polisi İdarəsindən (BŞDYPİ) məlumat verilib.
Məlumata görə, paytaxtın Şərifzadə və Zərdabi küçələrində aparılan təmir tikinti işləri, habelə Həsən Əliyev küçəsi kəsişməsindən C.Məmmədquluzadə küçəsi – Bakıxanov küçəsi istiqamətində yol boyu səki daşlarının dəyişdirilməsi ilə əlaqədar bəzi ərazilərdə nəqliyyatın hərəkət istiqaməti dəyişdirilib.
BŞDYPİ qeyd edilən ünvanlarda aparılan işlərlə əlaqədar yollarda yaranmış daralmanı nəzərə alaraq sürücülərdən həmin istiqamətlərdə şəxsi nəqliyyat vasitələrində mümkün qədər az istifadə etmələrini və diqqətli olmalarını xahiş edib.