Əvəz Zeynallı öz təşəbbüsünün on illiyini həbsxanada qeyd edir
Bu gün Sevgililər Günüdür. 30 iyun Sevgililər Günü Azərbaycan cəmiyyətində birmənalı qəbul edilmir.
Bu günün Sevgililər Günü kimi qeyd olunması təşəbbüsü 2002-ci ildə «Xural» qəzeti və onun baş redaktoru Əvəz Zeynallı tərəfindən qaldırılıb. 20 yanvar faciəsinin qurbanları İlham və Fərizənin toy gününün şərəfinə 30 iyun Sevgililər Günü adlandırılıb. Onlar 1989-cu ilin məhz bu günündə evlənmişdilər. Tale onlara evliliklərinin ildönümünü belə qeyd etməyə imkan vermədi. 1990-cı ilin 20 yanvar hadisələrində şəhid olan İlhamın ayrılığında Fərizə dözə bilmədi, ədəbi ayrılıq əzabı hətta bətnindəki İlham yadigarına belə rəhm etməyə imkan vermədi.
Bu gün Sevgililər gününün 10-cu ildönümüdür. Azərbaycanda bir qrup insane bu günü qeyd etsə də, əksəriyyət, xüsusilə də gənclər 14 fevral - Valentin Günününü sevgi günü kimi tanıyırlar. Günün təşəbbüskarı Əvəz Zeynallı isə hazırda həbsxanadadır.
Sevgililər Gününün şəriətimizə zidd olduğu da qeyd olunur. Bəzi dindarlara görə, islam məhəbbət, istək, alicənablıq, birlik və xeyir dinidir. İslam insanı bütün həyatı boyu sevgi və məhəbbətlə yaşamağa çağırır. Buna görə də bu günün xüsusi qeyd olunmasına ehtiyac yoxdur.
Xatirə