"Türkiyə-Azərbaycan dostluq məscidi Bakıda ən böyük məscid olacaq"
“Təəssüflər olsun ki, Azərbaycandakı müəyyən dini qurumların obyektiv olmayan münasibəti var idi. Onlar müəyyən məsələlərə neqativ yanaşırdılar. Biz bu yanaşmanı dəyişməyə çalışacağıq”. Simsar.az-ın xəbərinə görə, bunu Dini Qurumlarla İş üzrə Dövlət Komitəsinin sədri Elşad İsgəndərov deyib: “Biz Azərbaycan dövlətçiliyinə sadiq olan, bütün sağlam qüvvələrə, həm müsəlman, həm də qeyri-müsəlman icmalarına dialoq üçün açığıq”.
E. İsgəndərov Bakıda inşa olunacaq Türkiyə-Azərbaycan dostluq məscidi barədə danışaraq bunun Azərbaycan paytaxtında ən böyük məscid olacağını bildirib: “Bəzi dindarlar deyirlər ki, ibadət üçün yer problemi var. Onların dediyi problem bununla aradan qalxacaq”.