Həbsdən buraxılan Bəxtiyar Hacıyev açıqlama verib
Simsar.az-a açıqlama verən Bəxtiyar Hacıyev evlənmək istədiyini də bildirib: “İndi əsas məqsədim yaxşıca istirahət etməkdir, imkan olsa xaricə də yollanacağam. Gündəlikdəki əsas məsələ isə evlənməkdir. Düzdü, yaxın gələcəkdə olacağına inanmıram, amma bu, əsas məsələ olaraq qalır”.
Bəxtiyar Hacıyev həbsdən çıxdıqdan sonra hüquq müdafiəçisi kimi fəaliyyət göstərmək fikrində olmadığını da qeyd edib.
Qeyd edək ki, B.Hacıyev keçən il martın 4-də həbs olunub. O, Cinayət Məcəlləsinin 321.1 (qanuni əsas olmadan hərbi xidmətdən yayınmaq üçün növbəti hərbi çağırışdan və ya səfərbərlik üzrə çağırışdan boyun qaçırma) maddəsi ilə ittiham olunaraq iki il müddətinə həbs olunub. Bu gün isə ali Məhkəmənin qərarı ilə cəzasının üçdə birini çəkdiyinə görə şərti azadlığa buraxılıb.