Buraxılış imtahanlarında şagirdlərin cavablarının elan olunacağı müddət açıqlanıb
Tələbə Qəbulu üzrə Dövlət Komissiyası (TQDK) buraxılış imtahanlarında şagirdlərin cavablarının elan olunacağı müddəti açıqlayıb.
Simsar.az-ın məlumatına görə, Komissiyadan bazar ertəsi bildiriblər ki, TQDK tərəfindən keçirilən buraxılış imtahanlarında şagirdin test tapşırıqlarına verdiyi düzgün və səhv cavablar haqqında məlumat onun imtahan verdiyi gündən etibarən 5 günədək müddətdə elan edilir.
Şagirdin 5 ballıq şkala üzrə imtahan qiymətləri bütün ölkədə buraxılış imtahanları bitdiyi gündən etibarən 10 günədək müddətdə elan ediləcək.