18 ton ərzaq isə məhv edilib
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti “Azərbaycan dövləti istehlakçı hüquqlarının təminatçısıdır” mövzusunda Goranboy rayonunda tədbir keçirib. Nazirlikdən simsar.az-a verilən məlumata görə, konfransda Səhiyyə və Kənd Təsərrüfatı nazirliklərinin, Standartlaşdırma, Metrologiya və Patent üzrə Dövlət Komitəsinin, Goranboy Rayon İcra Hakimiyyətinin, ictimai təşkilatların nümayəndələri və 300-ə yaxın istehlakçı iştirak edib.
Dövlət Xidmətinin rəis müavini Vidadi Quliyev qeyd edib ki, ictehlakçıların keyfiyyətsiz mal və xidmətlərdən qorunmasında inzibati tədbirlərlə yanaşı, maarifləndirmə tədbirləri xüsusi əhəmiyyət kəsb edir. Onun sözlərinə görə, ötən il sahibkar və istehlakçılara 13 adda 160 min ədəd buklet paylanıb. Bu il də marifləndirilmə tədbirlərı davam etdirilir, 2012-ci ilin yanvar-aprel aylarında bu məqsədilə 13 adda 26 min buklet və sahibkarların istehlakçıların hüquqlarının qorunması sahəsində vəzifələrinə dair 6 adda 1000-ə yaxın yaddaş kitabçası çap edilərək paylanıb.
Dövlət Xidməti tərəfindən 2012-ci ilin yanvar-aprel ayları ərzində həyata keçirilmiş nəzarət tədbirləri zamanı mənşəyi məlum olmayan, saxlama müddəti ötmüş, etiketlənməsi, keyfiyyət və təhlükəsizlik göstəriciləri normativ sənədlərin tələblərinə uyğun olmayan 18,3 ton müxtəlif növ ərzaq malları satışdan çıxarılaraq məhv edilib.
İnzibati xətaya yol vermiş təsərrüfat subyektlərinə 610,8 min manat cərimə tətbiq olunub. Bundan başqa, istehlakçıları çaşdırmaqla haqsız rəqabətə yol vermiş təsərrüfat subyektlərinə 36,6 min manat maliyyə sanksiyası tətbiq edilib.
Konfrans çərçivəsində iştirakçılara istehlakçı hüquqlarına dair maarifləndirici materiallar da paylanıb.
Xatirə
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
