25 nəfrə sosis yığmaq uğrunda mübarizə aparıb
ABŞ-ın Detroyt şəhərində göydən sözün əsl mənasında sosis yağıb. Sosis yağışı şəhərin ən qədim restoranlarından olan “Amerikan Koni Ayland”ın fəaliyyətinin 95-illiyi münasibətilə, yerli FM radiosu tərəfindən təşkil edilib.
Sifariş olunmuş helikopter havaya qalxaraq, göydən futbol meydançasına 955 ədəd bişməmiş sosis buraxıb. Stadionda isə 25 yarış iştirakçısı ən çox sosis yığmaq uğranda mübarizə aparıb. İmley Siti-dən olan 37 yaşlı Silviya Lopez köynəyinə 76 sosis yığmaqla, müsabiqənin qalibi seçilib.
“Mən hot-doqları çox sevirəm ancaq indi əllərimdən dözülməz qoxu gəlir” deyə ən çox sosis yığmış Lopez qələbə həyacanını paylaşıb. Mükafat olaraq qalibə yanacaq doldurma məntəqəsindən min dollarlıq kupon verilib. Bundan başqa fəaliyyətinin 95 -illiyi qeyd olunmuş restoran rəhbərliyi hədiyyə olaraq Lopezi birillik sosis ehtiyatı ilə təmin edib.