Yoxlama zamanı aşkar edilmiş CD və DVD-lər satışdan çıxarılıb
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti 5000-dən çox pirat disk məhv edib. Bu barədə Simsar.az-a Nazirliyin İctimaiyyətlə əlaqələr şöbəsindən məlumat verilib. Məlumata görə, həmin disklər Dövlət Xidməti tərəfindən aparılan yoxlama zamanı Amin Hümbətova məxsus mağazada aşkar edilib. Pirat CD və DVD-nin məhv edilməsi barədə Dövlət Xidməti tərəfindən həmin sahibkara icrası məcburi göstəriş verilib. Bununla əlaqədar olaraq, mağazada satışdan çıxarılmış 5047 ədəd pirat CD və DVD-lər qanunvericilikdə müəyyən olunmuş qaydada məhv edilib.
Xatirə