Bəzi aksiya iştirakçıları cərimə olunub
Bu gün Bakı şəhərinin Yasamal rayonu ərazisində İctimai Teleradio şirkətinin qarşısında İctimai Palatanın bir qrup üzvü razılaşdırılmamış aksiya keçirməyə cəhd edib.
Simsar.az-ın məlumatına görə, polis razılaşdırılmadığı üçü aksiyanın keçirilməsinə icazə verməyib, bir neçə nəfər saxlanılıb.
Daxili İşlər Nazirliyinin mətbuat xidmətinin rəis müavini Ehsan Zahidov Lent.az-a bildirib ki, Yasamal rayon Polis İdarəsi əməkdaşları polisin qanuni tələbinə əməl etməyən bir qrup şəxsi saxlayaraq idarəyə gətirib: “Həmin şəxslərdən 8 nəfəri barəsində idarədə akt tərtib olunub və onlar İnzibati Xətalar Məcəlləsinin tələbinə uyğun olaraq cərimələnərək buraxılıb. 1 nəfər isə Yasamal rayon Məhkəməsinə göndərilib. Həmin şəxs məhkəmə tərəfindən cərimələnərək buraxılıb. Beləliklə də saxlanılanların hamısı sərbəst buraxılıb”.