Ən çox xərc sənaye, tikinti və fayadalı qazıntılara yönəli
Cari ilin I rübündə dövlət büdcəsinin gəlirləri 3 487,8 mln. manat və ya 98,5% yerinə yetirilməklə ötən ilin eyni dövrü ilə müqayisədə 26% və ya 719,4 mln. manat çox olub.Simsar.az-ın xəbərinə görə, təsdiq olunmuş proqnozu Vergilər Nazirliyi 112,7% icra edib və büdcəyə 1 390,5 mln. manat, ötən ilin eyni dövrünə nisbətən 229,6 mln. manat və ya 19,8% vəsaitin köçürülməsini təmin edib.
Dövlət Gömrük Komitəsi tərəfindən cari ilin I rübündə proqnoza 100,3% əməl olunmaqla dövlət büdcəsinə 251,7 mln. manat vəsait köçürülüb ki, bu da ötən ilin eyni dövrü ilə müqayisədə 4,6% (11,1 mln. manat) çoxdur.
Dövlət Neft Fondundan büdcəyə transfertlər 1 839,8 mln. manat təşkil edib.
Funksional təsnifata uyğun olaraq 2012-ci ilin I rübündə ötən ilin eyni dövrü ilə müqayisədə «Sənaye, tikinti və faydalı qazıntı xərcləri»nə 80,1% (437,6 mln. manat), «İqtisadi fəaliyyətlə bağlı xərclər»ə 58,3% (16,1 mln. manat), «Müdafiə xərcləri»nə 38% (51,7 mln. manat), «Sosial müdafiə və sosial təminat xərcləri»nə 37,3% (152,2 mln. manat), «Məhkəmə hakimiyyəti, hüquq-mühafizə və prokurorluq xərcləri»nə 29% (38,2 mln. manat), «Səhiyyə xərcləri»nə 12,3% (9 mln. manat) çox vəsait yönəldilib.