«Hər yerdə dinc aksiyalar dağıdılıb – istər Nyu York olsun, istərsə də Tripoli»
«Amnesty İnternational» təşkilatı insan hüquqları ilə bağlı illik hesabatını təqdim edib. Simsar.az-ın məlumatına görə, hesabatda demək olar ki, əksər ölkələrin hakimiyyətləri kütləvi aksiyalara lazımi reaksiya verməməkdə ittiham olunub.
Hesabatda əks olunub ki, ABŞ-da da Rusiya və Belorusiyada olduğu kimi, aksiyalar dağıdılıb, fərq yalnız bu ölkədə müxalifətçilərin həbs olunmamasındadır.
Hüquq müdafiəçilərinin qənaətinə görə, 2011-ci ildə vətəndaşlar öz haqlarının bərpası uğrunda müdafiəyə qalxmalı olublar – İstər Nyu-York olsun, istərsə də Moskva, Kampala, Dakar, La Pas, Pnompen, Tokio, Qahirə, Dəməşq və ya Tripoli.
Hesabatda ABŞ-da nümayişlərin polis tərəfindən qəddarlıqla yatırıldığı, bunun üçün gözyaşardıcı qazlardan, plastik güllə və dubinkalardan istifadə olunduğu, qeyd olunub. Hüquq müdafiə təşkilatının iddiasına görə, bu ölkədə polisin tətbiq etdiyi elektroşok nəticəsində 43 nəfər ölüb. Bununla yanaşı Quantanamo və Kubadakı həbsxanaların saxlanması ilə bağlı Vaşinqtona qarşı ənənəvi ittihamların səslənməsi davam edib.
Hesabatda terorla mübarizənin ölüm faktları ilə nəticələnməsi halları da tənqidlə qarşılanıb. (Usamə Bin Ladenin adı qeyd olunub).
Hüquq müdafiəçilərinin qənaətinə görə, Avropa və Mərkəzi Asiyanın 93 ölkəsində dinc aksiyalar zorakılıqla dağıdılıb.
Hesabatda Azərbaycanın da adı qeyd olunub. Ölkəmizdə beynəlxalq təşkilatların təzyiqindən sonra müxalifət fəalı Cabbar Savalanlının azadlığa buraxıldığı qeyd olunub. Bununla yanaşı onun hərbi xidmətə çağrılmaqla, cəmiyyətdən təcrid olunduğu vurğulanıb.
Xatirə
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
