4G hazırda dünyanın 37 ölkəsində və Avropanın 9 ölkəsində tətbiq olunur
Azərbaycanın mobil operatoru “Azercell Telekom” şirkəti ölkədə ilk dəfə olaraq 4G texnologiyasının tətbiqinə başlayıb.
Simsar.az-ın xəbərinə görə, bununla bağlı keçirilən tədbirdə çıxış edən şirkətin prezidenti Əli Ağan bildirib ki, sözügedən texnologiya dünyada geniş yayılmayıb. Belə ki, 4G hazırda dünyanın 37 ölkəsində, o cümlədən Avropanın 9 ölkəsində tətbiq olunur.
Ə.Ağan qeyd edib ki, Rabitə və İnformasiya Texnologiyaları Nazirliyi tərəfindən 4G texnologiyasının tətbiqi ilə bağı “Azercell”ə müvafiq icazə verilib və tezlik ayrılıb. 4G şəbəkəsi 100 Mbit/saniyəyə qədər sürətlə 1800 MHz tezlikdə yayımlanacaq. İlkin olaraq 4G Bakının mərkəzi küçələrini əhatə edəcək. Belə ki, bu texnologiyadan Dənizkənarı Milli Park, Fəvvarələr meydanı, metronun “Elmlər Akademiyası” stansiyası, Azərbaycan Pedaqoji Universiteti, “Natəvan Plaza”, Akademik Milli Dram Teatrı, “Kempinski Hotel” və Nərimanov heykəli ərazilərində istifadə etmək mümkün olacaq. İlin sonuna 4G texnologiyasının əhatə dairəsinin 2 dəfə artacağı gözlənilir.
Qeyd edək ki, 4-cü nəsil (4G) texnologiyası dünyada mövcud olan ən son və ən yüksək sürətli mobil data ötürülməsini mümkün edən bir texnologiyadır. Azərbaycanda yalnız bir neçə telefon 4G-ni dəstəkləyir. 4G texnologiyası vasitəsilə böyük həcmli faylları tez bir zamanda ötürmək, HD TV və internet vasitəsilə videoməzmunu kəsintisiz izləmək mümkün olacaq.
Hazırda “Azercell”in 4G xidmətlərindən istifadə etmək üçün müvafiq modem almaq lazımdır ki, bunun qiyməti 149 manat təşkil edir. Bir aylıq limitsiz internet trafik paketi isə 45 manatdır. Lakin 4G modemi alan şəxs ilk ayda limitsiz internet trafikdən ödənişsiz istifadə edəcək.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
