Səhiyyəyə ayrılan pullar Dünya Səhiyyə Təşkilatının tövsiyə etdiyi həddən 3 dəfə azdır
BMT-nin sağlamlıq hüququ üzrə xüsusi məruzəçisi Anand Grover Azərbaycan hökumətini səhiyyə xərclərini beynəlxalq standartlara çatdırmağı tövsiyə edir.
Anand Grover mayın 16-dan 23-ə qədər Azərbaycanda səfərdə olub. Səfərinin yekunu ilə bağlı o deyib ki, səhiyyə xərclərinin artması "ölkədə mövcud olan maliyyə sərvətinin əhalinin sağlamlığının yaxşılaşdırılmasına xərclənməsi" üçün zəruridir:
"Hökumət əzmli olduqda nəticələr əldə edə bilər. Bir qədər ara vermək və əhalinin sağlamlığına edilən dövlət investisiyalarının hər kəsin sağlamlıq hüququnun yerinə yetirilməsi üçün kifayət edib-etməməsi barədə düşünmək üçün münasib vaxtdır".
Eurovision-2012 mahnı yarışı günlərində Bakıda olduğunu deyən Grover hökumətin həm də “Healthvision” gündəmə gətirməsinin vacib olduğunu bildirib.
Xüsusi məruzəçi hökumətin dəvəti ilə Azərbaycanda səhiyyənin maliyyələşdirilməsi, vərəm, həbsxanalarda və istintaq təcridxanalarında sağlamlığın təmin edilməsi ilə bağlı vəziyyəti öyrənib.
O, xüsusilə insan hüquqlarının ölçülən xüsusi parametləri daxil olmaqla ölkədə səhiyyə hüququnun həyata keçirilməsi ilə bağlı məsələlərə nəzər yetirib.
Anand Grover O, BMT İnsan Hüquqları Şurası tərəfindən sağlamlıq hüququnun həyata keçirilməsini monitorinq etmək mandatını alıb.
2012-ci ilin dövlət büdcəsində səhiyyə sahəsinə 595.1 milyon manat ayrılması nəzərdə tutulur. Bu da, büdcənin ümumi xərclərinin 3.5 faizi deməkdir.
Milli Büdcə Qrupunun rəyinə görə 2012-ci ilin dövlət büdcəsindən səhiyyə xərcləri 5.7 faiz artıb, amma yenə də bu sahəyə ayrılan pullar ümumi daxili məhsulun cəmi 1 – 1.3 faizini təşkil edir. Bu isə Dünya Səhiyyə Təşkilatının tövsiyə etdiyi həddən 3 dəfəyədək azdır.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
