İntihara səbəb kimi maddi imkansızlıq göstərilir
Şabran rayonunun Rəhimli kəndində 13 yaşlı qız həyatına qəsd edib. Şabran prokurorluğunun müstəntiqi Rüstəm Şükürovun Simsar.az-a verdiyi məlumata görə, Zəhra Mirzəşah qızı Həkimova mayın 22-si axşam saat 20:00 radələrində tövlədə özünü asıb.
Onun meyidini ailə üzvləri tapıblar. Müstəntiqin sözlərinə görə, intihara səbəb olaraq ilkin versiya kimi maddi imkansızlıq göstərilir. Onun sözlərinə görə, ailə çox çətin şəraitdə yaşayıb, hətta evlərində oturmağa stulları belə olmayıb və inkansızlıq üzündən qız məktəbə də getməyib.
Cinayət məcəlləsinin 125-ci maddəsilə cinayət işi açılıb, istintaq gedir. Ekspertiza üçün mərhumun cəsədi Xaçmaz rayon morquna göndərilib. İntiharın səbəbi ekspertizanın rəyindən sonra məlum olacaq.