Türkiyənin baş naziri Astanada iqtisadi forumda çıxış edib
Türkiyənin baş naziri Rəcəb Tayyib Ərdoğan Qazaxıstana səfər edib. Astanada hava limanında onu qazaxıstanlı həmkarı Kərim Məsimov qarşılayıb. Qazaxıstan səfərində Ərdoğanı türkiyəli nazirlər və "Ədalət və İnkişaf Partiyası" nümayəndələri müşayiət edir.
Rəcəb Tayyib Ərdoğan "Astana İqtisadi Forumunda" çıxış edib. O, reytinq agentliklərini tənqid edib. Qeyd edək ki, "Standard and Poors" beynəlxalq reytinq agentliyi mayın 1-də Türkiyənin uzunmüddətli kredit reytinqini "müsbət"dən "sabit"ə endirib. Türkiyənin baş naziri isə bu qərarı "qeyri-obyektiv" adlandırıb.