Saxlanan fəalların evlərində axtarışlar aparılıb, onlara məxsus bir sıra şəxsi əşyalar götürülüb
Mayın 21-də Urmiya gölünün qurudulmasına etiraz olaraq Təbrizdə və Urmiyada keçirilən aksiyalara görə tutulan azərbaycanlılardan 7 nəfərinin kimliyi bəlli olub.
“Media forum” saytının məlumatına görə, İran Kəşfiyyat Nazirliyinin (ETTELAAT) Təbriz şöbəsinin əməkdaşları azərbaycanlı fəal Mustafa Əvəzpur və Qadir Novruzini evlərində tutub bilinməz istiqamətə aparıblar. ETTELAAT əməkdaşları həmçinin digər azərbaycanlı fəallar Əkbər Mühacir, Həsən Mirzəxani, Hüseyn Əhmədiyan, Təbriz Universitetinin azərbaycanşünaslıq qurumunun rəhbəri Əfsanə Tuqi və Məhəmməd İsgəndərzadəni küçədə tutub aparıblar.
Digər azərbaycanlı fəal, Şəhid Behişti Universitetinin tələbəsi İsrafil Ümidi isə Urmiya şəhərində tutularaq bilinməz istiqamətə aparılıb.
Saxlanan fəalların evlərində axtarışlar aparılıb, onlara məxsus bir sıra şəxsi əşyalar götürülüb.
Mayın 21-də İranın Təbriz, Urmiya, Miyana və Mərənd şəhərlərində Urmiya gölünün müdafiəsinə yönəlmiş kütləvi etiraz aksiyaları keçirilib. “Yaşasın Azərbaycan”, “Urmu gölü can verir, dövlət onun qətlinə fərman verir” və digər şüarlar səsləndirən aksiya iştirakçıları gölə gələn çaylar üzərindəki bəndlərin götürülməsini, gölün qurumasına qarşı tədbirlər həyata keçirilməsini tələb ediblər.
Təbriz və Urmiya etirazlarında aksiyaçılara qarşı gözyaşardıcı qazdan istifadə edilib. Hökumət qüvvələri ilə yaranmış qarşıdurmalarda 100-dən çox azərbaycanlı fəal saxlanılıb.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
