Nicat Əliyevin nədə ittiham olunduğu bilinmir
“İslamazeri.az” saytının məlumatına görə, mayın 20-də polis əməkdaşlarının saxladığı “Killer” mağazasının meneceri Valeh Abdullayev, satıcı Qurban Əlibalaoğlu, muştəri Məşədi Cavid və adları bilinməyən digər iki müştəri sərbəst buraxılıb. Sayt bildirir ki, onlarla bərabər saxlanan “Azadxeber.az” saytının baş redaktoru Nicat Əliyev barəsində həbs qətimkan tədbiri seçilib. Lakin baş redaktorun nədə ittiham edildiyini aydınlaşdırmaq mümkün olmayıb.
Digər xəbərə görə, Nicat Əliyevin kirayə yaşadığı evdə axtarış aparılıb. Axtarış zamanı mülki geyimli şəxslər bir neçə dini kitab, “Quran” və noutbuk götürüblər.