Yeni prezidenti “erməni soyqırım”ına dair sənəd hazırlatdırır
Fransanın yeni prezidenti Fransua Olland keçmiş həmkarı Nikola Sarkozinin başlatdığı qondarma “errməni soyqırımı” kampaniyasını davam etdirərək yeni layihə hazırlayır.
Bu barədə Fransanın Türkiyədəki səfiri Laurent Bili Ermənistanın “Armenpress” informasiya agentliyinə açıqlamasında bildirib. Səfir qeyd edib ki, F.Olland “Erməni soyqırımı”nı inkar edənlərin cəzalandırılması ilə bağlı Sarkozinin başlatdığı siyasətin davamı kimi Konstitusiya Şurasının tələbinə uyğun fərqli formatda yeni plan hazırlayıb. L.Bilinin sözlərinə görə, yeni prezident hələlik bu istiqamətdə hazırlıq işlərini davam etdirir. “Biz istərdik ki, bu qanun təkcə türklərə deyil, eləcə də onu inkar edən bütün insanlara, kimliyindən aslı olmayaraq hər kəsə şamil edilsin”-deyə səfir vurğulayıb.
Qeyd edək ki, cari ilin yanvar ayında "erməni soyqırımı"nı inkar edənlərin cəzalandırılması haqqında qanun layihəsi Fransa Senatında qəbul olunsa da, Konstitutsiya Şurası bu qanunu təsdiq etmədi. Eks-prezident Sarkozinin başlatdığı qanun layihəsi qondarma “erməni soyqırımı”nı inkar edənlərin 1 il müddətinə azadlıqdan məhrum edilməsini və 45 min avro məbləğində cərimələnməsini nəzərdə tuturdu. Fransua Olland hazırlatdırdığı sənəddə necə olacaq, türklər sözü tezliklə bunun da “qoxusu çıxacaq”...