Meyxanaçının yaxınlarda evlənəcəyi yalandır
Məşhur meyxana ustası Namiq Qaraçuxurlu sözü və musiqisi özünə aid “Möcüzə” adlı yeni hitini bu gün pərəstişkarlarına ərməğan edib. Bu barədə simsar.az saytına meyxanaçının prodüsseri Ataş Hüseynov məlumat verdi. Mahnının mövzusu ayrılıqdan, intizardan bəhs etsə də ritmik üslubdadır. Ataş onu da bildirdi ki, hazırda meyxanaçı daha bir neçə mahnı üzərində çalışır, hansı ki, həmin mahnılarla yaya öz möhürünü vurmağı qarşısına məqsəd qoyub.
Prodüsser meyxanaçının bu yaxınlarda evlənəcəyi barədə yazılan xəbərləri isə təkzib edir. Bildirir ki, bu xəbər ancaq şayiədir. Namiq hazırda heç bir xanımla bərabər deyil və yaxın zamanlarda evlənməyi düşünmür. Yəni ki, öz “möcüzə”sini hələ tapmayıb.
Azər Nəsibov