Braziliyanın dövlət başçısına 9,5 min avro təzminat ödənildi
Braziliyanın prezidenti Dilma Roussef dövlətə qarşı qaldırdığı məhkəmə iddiasını qazanıb.
Simsar.az-ın xarici mətbuata istinadən verdiyi məlumata görə, o, 16 yaşında ikən Marksistlərin silahlı mücadiləsinə qoşulub. Buna görə, 1969-cu ildə həbs olunub. Həbsxanada ideya yoldaşlarını ələ verməsi üçün dəfələrlə işgəncəyə məruz qalıb. 3 il həbsdə qalan D. Roussef 1972-ci ildə azadlığa buraxılıb.
Silahlı mücadiləyə qoşulsa da, heç kimi öldürmədiyini deyən D.Roussef 1985-ci ildə hərbi rejim bitdikdən sonra siyasətə qatılıb. 2010-cu ildə ölkənin ilk qadın dövlət başçısı seçilib.
O, həbsxanada olarkən işgəncəyə məruz qalması ilə bağlı iddia qaldırıb.
Məhkəmə prezidentin iddiasını haqlı hesab edib və 9 min 450 dollar təzminat ödənilməsi barədə qərar çıxarıb. Qərarı dinləyən D.Roussef göz yaşlarını saxlaya bilməyib.
Xatirə