Klip tezliklə təqdim olunacaq
“Temp” studiyası Azərbaycanın Milli Qəhrəmanı Mübariz İbrahimovun xatirəsinə mahnı ərsəyə gətirib. Mahnı 4 xanım ifaçının – Şölə Səfərəliyeva, Xəyalə Manaflı, Vüsalə Bəşirova və Lalə adlı müğənninin ifasında lentə alınıb. Sözləri və musiqisi Türkay Azəriyə məxsus olan mahnının klip çəkilişləri artıq yekunlaşıb. Bu barədə simsar.az saytına müğənni Şölə Səfərəliyeva məlumat verib. Onun bildirdiyinə görə çəkiliş gecəyarısına qədər davam etsə də yaradıcı heyət yorulmadan həvəslə çalışıb. Hazırda isə klipin montaj işləri gedir. Klip tezliklə tamaşaçıların ixtiyarına veriləcək.
Xatırladaq ki, Ş.Səfərəliyeva klipdə həkim obrazını yaradıb.
Azər Nəsibov