Gürcülər "David Qarecini qoruyaq" şüarı ilə aksiya keçiriblər
Tiflisdə Azərbaycanın əleyhinə şüarlar səsləndirilən "David Qarecini qoruyaq" ("Qara keşiş" məbədi) adlı etiraz aksiyası keçirilib.
Simsar.az-ın məlumatına görə, aksiyada 150-200 adam iştirak edib.
Şəhər əhalisinin də qatıldığı yürüş Rustaveli prospektindən başlayıb.
Aksiya çərşivəsində təşəbbüs qrupunun nümayəndələri Gürcüstanın Xarici İşlər Nazirliyinin qarşısında "David Qarecini qaytaraq" adlı bəyannamə oxuyublar.
Aksiya təşkilatçılarının sözlərinə görə, bu addımlarına səbəb Azərbaycan sərhədçilərinin "Qara keşiş" məbədinin Udabno adlandırılan ərazisinə Gürcüstan zəvvarlarının gəlmələrinə qarşı çıxmaları olub. Gürcüstanın xarici işlər nazirinin müavini Nino Kalandadze və mədəniyyət naziri Niki Ruruanın "qeyri-adekvat və məsuliyyətsiz sözləri" isə onların əsəblərini tarıma çəkib.