Buna görə Facebook istifadəçilərinin sayı bir neçə dəfə arta bilər
Dünyanın ən böyük və populyar sosial şəbəkəsi Facebook indiyədək tətbiq etdiyi ən ciddi yasaqlardan birini aradan qaldırmağa hazırlaşır.
Hazırda 13 yaşına çatmamış şəxslər Facebook-da qeydiyyata düşərək profil yarada bilməzlər.
Simsar.az-ın xarici mətbuata istinadən xəbərinə görə, Facebook-un rəhbərliyi bu qadağanı ləğv etmək və 13 yaşına çatmamış şəxslərin sosial şəbəkədə qeydiyyatına qoyulmuş məhdudiyyəti aradan qaldırmaq fikrindədir.
Ekspertlərin fikrincə, bu addım Facebook istifadəçilərinin sayını bir neçə dəfə artıra bilər.
Hazırda Facebook-un 900 milyondan artıq istifadəçisi var.
Uşaqlara sosial şəbəkədən istifadə etməyə imkan verməklə Facebook-un texniki servisi təhlükəsizlik tədbirlərini qat-qat gücləndirəcəyini bəyan edib.