“Bu məsələdə ayrı-ayrı şəxslərin mənafeyindən söhbət gedə bilməz”
Milli Televiziya və Radio Şurası (MTRŞ) sentyabr-oktyabr aylarına qədər yerli telekanallarda Azərbaycan ədəbi dilinin qorunması ilə bağlı monitorinqlər aparacaq. Simsar.az-ın məlumatına görə MTRŞ sədri Nuşirəvan Məhərrəmli monitorinqin nəticələrindən asılı olaraq, kanallara müəyyən tövsiyələr veriləcək, - deyib.
Şura sədri qeyd edib ki, dövlət dilinin qorunmasına hər bir kəs, eləcə də kanallar ciddi münasibət göstərməlidirlər.
"Yəqin ki, kanallar da bu məsələləri ciddi məsələ kimi xüsusi diqqətdə saxlayırlar. Azərbaycan ədəbi dilinin qorunması hər bir vətəndaşın borcudur. Bu məsələdə ayrı-ayrı şəxslərin mənafeyindən söhbət gedə bilməz. Azərbaycanda dövlət dili ilə bağlı xüsusi qanun və komissiya, institut var. Bu məsələyə də hər bir kəs ciddi münasibət göstərməlidir", - Məhərrəmli qeyd edib.