30 nəfər akademiyada iştirak hüququ qazanıb
"İRƏLİ" Gənclik Mərkəzində "Yeni Media Akademiya" layihəsinə start verildi. Simsar.az-ın məlumatına görə, ilk dərs günündə Azərbaycan Prezidenti yanında Dövlət İdarəçilik Akademiyasının dosenti, hüquq elmləri namizədi Vüsal Quliyev gənclərə "Media Hüququ" fənnindən dərs keçib və mətbuat azadlığından danışıb.
Sonra Mərmərə Universitetinin jurnalistika fakültəsi doktorantura məzunu, fəlsəfə elmləri doktoru Vəfalı Ənsərov gənclərə xəbərçilik nəzəriyyəsi haqqında danışıb. Gənclərin iştirakıyla debatlar baş tutub.
Xatırladaq ki, layihəyə 120 nəfər ərizə ilə müraciət edib. Seçim iki hissə olmaqla yazı və müsahibə yolu ilə aparılıb, sonda 30 nəfər akademiyada iştirak hüququ qazanıb.
Xatirə