Müsabiqəyə 24 yaşına qədər hər kəs qatıla bilər
Azərbaycanda Fransız İnstitutu Frankofoniya bayramı münasibətilə bütün fransızlar və Bakının frankofonları üçün sabah, 12 may 2012 tarixində imla müsabiqəsi təşkil edir. İnstitutdan Simsar.az-a daxil olan məlumata görə, fransız yazıçı Silvi German öz əsərlərindən birini diqtə edəcək. Dinləyicilər isə onu ağ vərəqə köçürəcəklər.
Müsabiqədə iştirak etmək istəyənlər tez bir zamanda ccfbakou@gmail.com ünvanına yazaraq qeydiyyatdan keçməlidirlər.
İmlada hər kəs iştirak edə bilər.
Avropa və Xarici İşlər Nazirliyi və Fransanın Azərbaycandakı Səfirliyi 24 yaşına qədər və Azərbaycan vətəndaşı olan müsabiqənin qalibinə Fransaya bir həftəlik səyahət hədiyyə edəcək.
İmladan sonra Jorj Brassensə həsr olunmuş mühazirə-diskussiya olacaq, mükafatların verilməsindən əvvəl isə frankofon süfrəsi açılacaq.