Otellərdəki nömrələr tutulduğundan xaricilər fərdi kirayə evlərdə qalmalı olurlar
Bu ayın sonlarında Bakıda keçiriləcək “Eurovision” musiqi yarışması ilə bağlı olaraq paytaxtda məzillərin kirayə qiymətləri qalxıb. Simsar.az-ın məlumatlarına görə, ev alqı-satqısı ilə məşğul olan ofislərdə kirayə qiymətlərin bahalaşdığını etiraf ediblər. Maklerlər bahalaşmanın məhz “Eurovision”la bağlı olduğunu deyiblər.
Yarışma ilə əlaqədar olaraq otellərdəki bütün nömrələr aidiyyəti qurumlar tərəfindən yarışma keçiriləcək günlər üçün sifariş olunduğundan hazırda müştəri sifarişləri dayandırılıb. Hazırda Bakıya gələn xarici qonaqlar fərdi mənzilləri kirayələməli olurlar.
Daşınmaz əmlak üzrə ekspert Nüsrət İbrahimov məsələ ilə bağlı jurnalistlərə açıqlamasında bildirib ki, son iki həftə ərzində Bakıda orta və bahalı mənzillərdə kirayə evlərin qiyməti artıb. Bu, şəhərin mərkəzindəki birinci, qismən də ikinci zonaya aiddir. Nüsrət İbrahimov deyir ki, yerli əhaliyə hesablanmış kirayə evlərin qiymətində isə artım yoxdur: «Son iki həftədə müraciət edən xarici vətəndaşların sayı çoxalıb. Son bir həftədə 800 manata verilən kirayə evlərin qiyməti artıb 1000 manat olub. Gündəlik 30-35 manata verilən kirayə ev isə 45-50 manat olub. Ev sahibləri «Eurovision» fonunda potensial müştəriləri gözləyirlər. Ona görə də qiyməti qaldırıblar».
RAMİL
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
