Mayın 16-dək abituriyentlər imzalarını təsdiq edə bilərlər
2012/2013-cü tədris ili üçün Azərbaycanın ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün abituriyentlərdən ərizə qəbulu davam edir.
Tələbə Qəbulu üzrə Dövlət Komitəsindən Simsar.az-a bildirilib ki, bu günə olan məlumata görə, ümumilikdə 62779 nəfər elektron ərizəsini təsdiqləyib.
Onlardan 53687-si Azərbaycan, 9092-si rus bölməsinin payına düşür.
I qrup üzrə bu rəqəm 19711 (16905 nəfər Azərbaycan, 2806 nəfər rus bölməsi), II qrup üzrə 14786 (12172 nəfər Azərbaycan, 2614 nəfər rus bölməsi), III qrup üzrə 19797 (17148 nəfər Azərbaycan, 2649 nəfər rus bölməsi) və IV qrup üzrə 8485 (7462 nəfər Azərbaycan, 1023 nəfər rus bölməsi) nəfər elektron ərizəsini artıq təsdiqləyib.
Abituriyentlər mayın 16-dək internet vasitəsilə elektron ərizələri doldurmalı və mayın 18-dək tələb olunan sənədləri Sənəd Qəbulu Komissiyalarına (SQK) təqdim edərək ərizələrini təsdiq etdirməlidirlər.