Respublikanın bölgələrində buludlu hava müşahidə ediləcək
Sabah paytaxt Bakıda və Aberon yarımadasında duman müşahidə ediləcək. Mayın 3-də Bakıda və Abşeron yarımadasında havanın temperaturu ötən günlərə nisbətən 4-6 dərəcə aşağı enəcək. Ekologiya və Təbii Sərvətlər Nazirliyinin mətbuat xidmətindən çərşənbə axşamı Trend-ə verilən məlumata görə, mayın 2-də Abşeron yarımadasında hava şəraitinin dəyişkən buludlu, əsasən yağmursuz keçəcəyi, axşam buludluluğun artacağı gözlənilir. Səhər yarımadanın bəzi yerlərində zəif duman müşahidə ediləcək.
Axşam buludluluğun artacağı gözlənilir. Mülayim cənub küləyi əsəcək.
Havanın temperaturunun gecə 11-15, gündüz 22-27 dərəcə isti olacağı gözlənilir.
Mayın 3-də isə səhər və gündüz bəzi yerlərdə yağış yağacağı proqnozlaşdırılır.
Azərbaycanın rayonlarında mayın 2-də hava əsasən yağmursuz olacaq. Lakin axşam bəzi dağlıq və dağətəyi rayonlarda şimşək çaxacağı, yağış yağacağı ehtimalı var. Bəzi yerlərdə duman olacaq. Qərb küləyi əsəcək, arabir güclənəcək.
Havanın temperaturu gecə 12-17, gündüz 25-30 dərəcə isti olacaq. Dağlarda gecə 5-10, gündüz 15-20 dərəcə isti olacağı gözlənilir.