«Piyazbaşı» və «Ağyurt» yataqlarında tədqiqatlar başa çatıb
«Anglo Asian Mining» şirkəti deyir ki, Ordubad mədənində qızıl aşkar edib. Şirkət Azərbaycanda qızıl istehsalını genişləndirmək üçün tapıntı ərazisində 2015-ci ilə qədər 300 min unsiyaya qədər qiymətli metal hasil etməyi planlaşdırır.
«Bu tapıntı Ordubad ərazisində «Piyazbaşı» və «Ağyurt» yataqlarında 2010-2011-ci illərdə aparılmış tədqiqat işlərindən sonra təqdim olunur. Həmin işlərə sovet vaxtı başlanıb», şirkətin məlumatında deyilir.
«Anglo Asian Mining» qızıl istehsalına Gədəbəy rayonunda qızıl və mis şaxtalarında 2009-cu ildən başlayıb. Şirkət Gədəbəydən 37 ton qızıl çıxartmağı planlaşdırır.
«Tədqiqatın və geoloji kəşfiyyat işlərinin nəticələrinə dair ətraflı məlumat yaxın günlərdə veriləcək», şirkət qeyd edir.
«Anglo Asian Mining» Azərbaycanda qızıl istehsalını 2010-cu illə müqayisədə 2011-ci ildə 15 faiz azaldıb.
«Anglo Asian Mining»dəki mənbə yanvar ayında «Reuters» agentliyinə bildirmişdi ki, «azalmaya səbəb bəzi maliyyə problemləri olub, artıq o məsələlər həllini tapıb».
Şirkət Azərbaycanın qərbində 430 ton qızıl ehtiyatı olduğu bildirilən 7 mədəndə tədqiqat aparmağı nəzərdən keçirir.
Şirkətə «R.V. Investment Group Services» rəhbərlik edir. Səhmlərin 49 faizi Azərbaycan hökumətinə məxsusdur.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
