Qatilin biznesmeni öldürməsinə cəmi 20 saniyə vaxt kifayət edib
Moskvada qətlə yetirlən azərbaycanlı iş adamı İlqar Əliyevi öldürdüyü ehtimal edilən şəxsin görüntüsü müşahidə kameralarına düşüb. Rusiya kütləvi informasiya vasitələrinin yaydığı kadrlarda həmin şəxsin İlqar Əliyevə məxsus ağ “Cip”in arxasınca qaçdığı, qısa müddət sonra isə geriyə qayıtdığı görünür.
İstintaq orqanlarından verilən məlumata görə, qatilin biznesmeni öldürməsinə cəmi 20 saniyə vaxt kifayət edib. Onun tıxaclarda tez aradan çıxmaq məqsədilə piyada gəldiyi güman edilir.
Hadisə zamanı İlqar Əliyevin yanında olan Alyona Yevteyevanın və şahidlərin ifadələrinə əsasən qatilin fotorobotu hazırlanıb. Hazırda istintaq müşahidə kamerasına düşən görüntüləri araşdırır. Fotorobota əsasən qatilin axtarışları aparılır.
Xatırladaq ki, Rusiyada alkoqollu içkilərin biznesi ilə məşğul olan 52 yaşlı İlqar Əliyev aprelin 19-da, Moskvanın Presnenskiy val adlanan hissəsində qətlə yetirilib.