"Təyyarə qəzası nəticəsində çoxsaylı insan tələfatı xəbəri məni son dərəcə kədərləndirdi"
Azərbaycan Respublikasının Prezidenti İlham Əliyev Pakistan İslam Respublikasının dövlət başçısı Asif Əli Zərdariyə başsağlığı verib.
Məlumatı AzərTAc dövlət agentliyi yayıb.
Başsağlığı məktubunda deyilir: “Hörmətli cənab Prezident, İslamabad şəhəri yaxınlığında baş vermiş təyyarə qəzası nəticəsində çoxsaylı insan tələfatı xəbəri məni son dərəcə kədərləndirdi. Bu faciə ilə əlaqədar dərdinizi bölüşür, Sizə, həlak olanların ailələrinə və yaxın adamlarına, bütün Pakistan xalqına şəxsən öz adımdan və Azərbaycan xalqı adından dərin hüznlə başsağlığı verirəm. Allah rəhmət eləsin!”.