Qonaqlara təklif ediləcək bu cihaz vasitəsilə məlumatları asanlıqla dinləmək olacaq
Bakıda “Eurovision 2012” mahnı müsabiqəsinə hazırlıq işləri daha da sürətlənib. Lent.az-ın məlumatına görə, ölkəmizə gələcək minlərlə xarici turistin rahatlığını və digər tələblərini qarşılamaq üçün müxtəlif layihələr həyata keçirilir. Bunlardan biri də qonaqlara təklif ediləcək xüsusi audio-bələdçi cihazlarıdır.
Simsar.az-ın məlumatına görə, radioya bənzər formada olan bu cihazları rahatlıqla boyundan asmaq və məlumatları qulaqcıqla dinləmək mümkündür. Cihaz vasitəsi ilə məlumatları 5 dildə - Azərbaycan, ingilis, rus, fransız və alman dilində almaq mümkündür. İlkin olaraq bu cihazlar “İçərişəhər” qoruğu ərazisində daha faydalı olacaq. Çünki qoruğun girişlərində yerləşdiriləcək məlumat bürolarında (köşk) turistlərə həm də otel, restoran, tarixi abidə, hamam, məscid, mədrəsə və s. yerini göstərən xəritə paylanılacaq. Bu xəritələrdə həmin tikililər nömrələnir. Xarici qonaqlar isə cihazda həmin nömrəni yığmaqla maraqlandığı abidə haqqında 5 dildə məlumat almaq imkanına malik olacaq.
Xüsusi qurğu vasitəsi ilə həm də Azərbaycanın klassik, milli musiqisini dinləmək, ölkəmiz haqqında məlumat almaq da mümkün olacaq.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
