İbad Hüseynova həsr olunmuş kitabın təqdimatı İstanbulda oldu
İstanbulda “Azərbaycan Bayrağı” ordenli döyüşçü İbad Hüseynovun həyatından, döyüş yolundan bəhs edən “Özəl hərəkatçı” kitabının təqdimatı keçirilib. Lent.az-ın məlumatına görə, təqdimatda çıxış edən millət vəkili Qənirə Paşayeva gənc nəslin vətənpərvərlik ruhunda tərbiyə olunmasında kitabın əhəmiyyətindən danışıb. Q.Paşayeva bildirib ki, gənclər millətimizin yaşadığı faciələr, soyqrımlar haqqında məlumatlı olmaqla yanaşı, İbad Hüseynovu və bu igid kəşfiyyatçının döyüş yoldaşlarını da tanımalı, onlardan nümunə götürməlidir.
Tədbirdə çıxış edən İbad Hüseynov işğal altında olan torpaqlarımızın düşmən tapdağından azad edilməsi naminə yenidən döyüşə atılmağa hazır olduğunu söyləyib. Tədbirdə iştirak edən digər qonaqlar da kitabla bağlı öz fikir və düşüncələrini bölüşüb.