Türkiyə prezidenti Milli Suverenlik və Uşaq Bayramı münasibətilə dünyanın müxtəlif ölkələrindən gəlmiş uşaqlarla görüşüb
Türkiyə prezidenti Abdulla Gül Milli Suverenlik və Uşaq Bayramı münasibətilə dünyanın müxtəlif ölkələrindən, o cümlədən Azərbaycandan gəlmiş uşaqlarla görüşüb. Simsar.az-ın AzərTAc-a istinadən verdiyi məlumata görə, bayram şənliklərinin təşkilatçısı TRT televiziyasının baş direktoru İbrahim Şahin və uşaqları Çankaya köşkündə qəbul edən Türkiyənin dövlət başçısı azərbaycanlı uşaqlara da hədiyyə təqdim edib, onlarla xatirə şəkli çəkdirib.
Uşaqların Türkiyəyə gəlişindən sevindiyini söyləyən Abdulla Gül deyib ki, bu bayram şənlikləri 34 ildir keçirilir və dünyanın müxtəlif ölkələrindən uşaqlar türkiyəli yaşıdları ilə birlikdə şənlənirlər. “Dünya müharibələr və münaqişələrdən təmizlənməli, indiki uşaqlar da böyüdükdə bir-birinə dost və qardaş olmalıdır”, - deyə o vurğulayıb.
Azərbaycanlı uşaqlar da Türkiyə prezidentinə rəsm əsəri və başqa hədiyyələr təqdim edib.