Fövqəladə Hallar Nazirliyi bu gün Bakı şəhərinin Qaradağ rayonunda baş vermiş ağır yol-nəqliyyat hadisəsi ilə bağlı məlumat yayıb.
Simsar.az-ın nazirliyin saytına istinadən verdiyi məlumata görə, “112” qaynar telefon xəttinə daxil olmuş məlumata əsasən, Bakı şəhəri, Qaradağ rayonunda “KamAZ” markalı yük avtomobili, “Daewoo” markalı sərnişin avtobusu və “Ford” markalı xüsusi təyinatlı maşın toqquşub.
Ölən və xəsarət alanlar barədə məlumat dəqiqləşdirilir. Hadisə yerinə cəlb olunmuş xilasedicilər müvafiq təhlükəsizlik tədbirləri görüb. Əməliyyat saat 16:59-da başa çatıb.