"Dövlətin "Azadlıq" qəzetinə ayrılan puldan AXCP-də götürür"
Milli Məclis (MM) “Siyasi partiyalar haqqında” qanuna dəyişiklər layihəsi müzakirə olunarkən MM üzvləri layihə ilə bağlı fikirlərini açıqlayıblar.
Simsar.az-ın xəbərinə görə, Böyük Quruluş Partiyasının (BQP) sədri Fazil Mustafa bu qanunun müzakirəyə çıxarılmasını gözləmədiyini söyləyib: “Bu layihə Milli Məclisdə müzakirəyə çıxarılırsa, deməli, hakimiyyət siyasi islahatlara getmək istəyir. Ümid edirəm ki, qanun qəbul olunduqdan sonra tezliklə imzalanar və qüvvəyə minər”.
F. Mustafa layihədə müharibə təbliğatına qadağa qoyulmasına qarşı çıxıb. O, Müsavat Partiyasına yardım ayrılmasının zəruriliyini bildirib: “Onsuz da dövlət “Yeni Müsavat” və ”Azadlıq” qəzetlərinə yardım ayırır. “Azadlıq” qəzetinin həmin pulundan isə AXCP də götürür. Mən AXCP-yə pul ayrılmasını istəmirəm. Çünki bu, xarici səfirliklərin AXCP-sidir, Elçibəyin miras qoyduğu AXCP deyil”.