20 min sayt virusa yoluxub
Simsar.az-ın “İCTnews”-ə istinadən verdiyi xəbərə görə, həmin saytlarda ziyanverici “JavaScript” əlavə yerləşdirilib və o, istifadəçiləri ziyanverici resurslara yönləndirir.
“Google” şirkətinin yaydığı xəbərdə qeyd edilir ki, ehtimal ki, saytlar boşluqları axtaran avtomatlaşdırılmış skanerin “qurban”ı olublar. Skaner saytlarda boşluq tapdıqdan sonra ziyanverici kodu onların fayllarına quraşdırır.
“Google Search Quality Team”dən verilmiş məlumata görə, yaradılmış ziyanverici “JavaScript” kod yenidir və əvvəllər qlobal şəbəkədə aşkar olunmayıb. Şirkət, həmçinin, bildirib ki, kod “HTML”, “JavaScript” və ya PHP” fayllara quraşdırıla bilər.