Röya Rəfiyevanın üzünə duran şəxs "istirahət hüququ"nun pozulduğunu bəhanə gətirib
"Yeni Müsavat"ın əməkdaşı Röya Rəfiyeva bu gün günorta radələrində "Neftçilər" metrostansiyasının yaxınlığında maklerlərin yığışdığı bağda reportaj hazırlayarkən polis əməkdaşları tərəfindən zorakılığa məruz qalaraq, Nizami Rayon Polis İdarəsinin 24-cü bölməsinə aparılıb.
Simsar.az musavat.com saytına istinadən bildirir ki, R.Rəfiyeva maklerlərin şikayətini dinlədiyi zaman saxlanılıb.
"Yeni Müsavat"ın baş redaktoru Rauf Arifoğlu 24-cü polis bölməsinə gedərək xanım jurnalistin sərbəst buraxılmasını tələb edib. Bölmədə məlum olub ki, bir qadın jurnalistin şəkil çəkməsi üzündən onun "istirahət hüququ" pozulduğunu iddia edərək onun üzünə durub.
Qəzet rəhbərliyinin müdaxiləsi və xəbərdarlığından sonra polis bölməsinin rəisi R.Rəfiyevanın azad edilməsi barədə göstəriş verib.