Türk seriallarının qəhrəmanları cəmi 10 aydır evlənmişdilər
On ay öncə evlənən Türkiyə seriallarının məşhur qəhrəmanları, “Kuzey Guney”in Guneyi və “Fatmagülün suçu ne?”nin Vuralı Buğra Gülsoy ilə “Haziran Gecesi”nin Duyğusu Burcu Kara boşanır.
Simsar.az-ın Türkiyə mətbuatına istinadən xəbərinə görə, ötən ilin aprel ayından birlikdə olan cütlüyün evlənmələri kimi ayrılmaları da qəfildən olub.
Cütlüyün ayrılıq siqnallarını verən ilk tərəf Burcu Kara olub. TRT TÜRK-də “Bidünya Tasarım” proqramını aparan B. Kara, twitter səhifəsində “Əvvəlcə bir boşluq oldu qəlb gedincə, amma indi yaxşıdır...” yazıb. Sonra isə evli olduğu üçün qəbul etmədiyi şəhər xarici layihələrə indi yaxşı baxdığını bəyan edib və “Artıq səhərdənkənar bir işdə çalışmaq istəyirəm. İstanbuldan uzaqda çalışmanın vaxtı gəldi. Çünki, mənə tətil kimi gələcək. Gözləmək gözəldir” cümlələrini yazıb.