Hərraca çıxarılanlar arasında diqqəti cəlb edən onun qanı axan torpaq olub.
Hindistan milli azadlıq hərəkatının lideri Mahatma Qandinin şəxsi əşyaları hərraca çıxarılıb. Simsar.az-ın Türkiyə mətbuatına istinadən məlumatına görə, bütövlükdə 100 min funt-sterlinqə satılan əşyaların arasında diqqəti ən çox cəlb edən Qandinin 1948-ci ildə məruz qaldığı sui-qəsd sırasında axan qanı olub. Belə ki, Mahatma Qandi 1948-ci il yanvarın 30-da Yeni Delhidə gəzinti əsnasında silahlı hücuma məruz qalmışdı. Hücum nəticəsində həlak olan 78 yaşlı Qandinin yerə tökülən qanını həmin əsnada hadisə yerindən keçən Nambiar adlı hindli qan düşən torpağı götürərək uzun müddət xüsusi qabda mahfizə edib. Bu, Nambiarın ölümündən sonra onun yazdığı məktub əsasında ortaya çıxıb.
Qandinin qanı olan torpaq parçası hərracda 16 min funt sterlinqə satılıb.
Fatimə Kərimli