Jurnalistərin hüquqları qorunmalıdı
”ABŞ Səfirliyi 18 aprel tarixində müstəqil jurnalist İdrak Abbasova olan hücumu pisləyir”. Simsar.az xəbər verir ki, bu barədə ABŞ-ın Azərbaycandakı səfirliyinin bu gün yaydığı bəyanatda bildirilib.
Bəyanatda qeyd edilib ki, "medianın azadlığı hər bir demokratiya üçün vacibdir. Jurnalistlər hədə və qorxu olmadan azad şəkildə işləyə biməlidirlər".
“Azərbaycan hökumətini dərhal və əsaslı cinayət araşdırmasını başlatmağa və hücumda günahkar olanları məsuliyyətə cəlb etməyə cağırırıq”-deyə bəyanatda vurğulanır.
Xatırladaq ki, aprelin 18-də Dövlət Neft Şirkətinin əməkdaşları Bakının Sulutəpə qəsəbəsində sənədsiz evləri sökərkən hadisəni izləyən iki jurnalisti vəhşicəsinə döyülüb. Döyülən jurnalist İdrak Abbasov ağır bədən xəsarətilə Kliniki Tibbi Mərkəzə yerləşdirilib.